14513 ابوالوضین سے مروی ہے کہ ایک آدمی نے مہر کے ساتھ ایک شامی کی بیٹی سے شادی کی۔ لڑکی کے باپ نے شادی کے بعد اپنی دوسری لڑی کو شب رفاف کے لیے بھیج دیا جو کسی باندی کی بیٹی تھی۔ آدمی نے جب دوسری لڑکی کے ساتھ مباشرت کرلی تب اس سے پوچھا : تو کس کی بیٹی ہے ؟ لڑکی نے کہا : فلاں باندی کی۔ آدمی کو حیرت ہوئی اور بولا میں نے تو تیرے باپ کے ساتھ اس کی دوسری مہر والی لڑکی سے شادی کی تھی۔ چنانچہ لوگوں نے یہ ماجرا حضرت معاویہ بن ابی سفیان (رض) کی خدمت میں پیش کیا۔ حضرت معاویہ (رض) نے فرمایا : عورت کے بدلے عورت آگئی اور پھر اپنے شامی درباریوں سے پوچھا تو انھوں نے بھی یہی کہا عورت کے بدلے عورت آگئی۔ ایک آدمی نے حضرت معاویہ (رض) کو عرض کیا : آپ ہمیں حضرت علی (رض) کے پاس بھیج دیں۔ چنانچہ حضرت معاویہ (رض) نے حضرت علی (رض) کے پاس مسئلہ کے تصفیہ کے لیے بھیج دیا۔ لوگ حضرت علی (رض) کی خدمت میں پہنچے اور اپنا مسئلہ پیش کیا ۔ حضرت علی (رض) نے زمین سے کچھ تنکا وغیرہ اٹھایا اور فرمایا : اس مسئلہ کا فیصلہ کرنا اس تنکے سے بھی زیادہ آسان ہے۔ آدمی نے جس عورت کے ساتھ جماع کیا ہے، جماع کے عوض مہر تو اس کو ملے گا، لیکن باپ پر لازم ہے کہ اس مہر کے ساتھ اپنی اصل بیٹی کو تیارکرے اور اس کو سامان جہیز دے اور آدمی پھر بھی اس اصل بیوی کے قریب نہ جائے حتیٰ کہ اس دوسری کی عدت پوری ہوجائے۔
ابوالوضین کہتے ہیں کہ میرا خیال ہے کہ حضرت علی (رض) نے لڑکی کے باپ کو حد جدل (کوڑے کی سزا) بھی جاری فرمائی یا ارادہ کرلیا۔ مصنف ابن ابی شیبہ