14526 حجار بن ابجز سے مروی ہے، وہ فرماتے ہیں : میں حضرت امیر معاویہ (رض) کے پاس حاضر خدمت تھا کہ دو آدمی ایک کپڑے میں اپنا جھگڑا لے کر حاضر ہوئے۔ ایک نے عرض کیا : یہ میرا کپڑا ہے اور پھر اس نے اس پر گواہ بھی پیش کردیئے۔ دوسرے نے کہا : یہ میرا کپڑا ہے میں نے ایک آدمی سے اس کو خریدا ہے جس کو میں جانتا نہیں ہوں۔ حضرت امیر معاویہ (رض) نے ارشاد فرمایا : کاش اس مسئلے کے لیے ابن ابی طالب ہوتے۔ حجار بن ابجزکہتے ہیں : میں نے عرض کیا : بالکل ایسے ہی ایک مسئلے میں ان کی خدمت میں بھی حاضر تھا ۔ امیر معاویہ (رض) نے پوچھا : پھر انھوں نے کیا فیصلہ فرمایا ؟ میں نے عرض کیا : انھوں نے کپڑے کا فیصلہ اس شخص کے لیے کردیا جس نے گواہ قائم کیے تھے اور دوسرے کو فرمایا : تو نے اپنے مال ضائع کردیا۔ ابن عساکر