14549 یزید بن ابی حبیب سے مروی ہے کہ حضرت عمر بن خطاب (رض) کے عمال کے مال کو تقسیم کرنے کی وجہ خالد بن صعق کے چند اشعار تھے جو انھوں نے حضرت عمر بن خطاب (رض) کو لکھ کر بھیجے تھے :
ذیل میں ان کا ترجمہ درج کیا جاتا ہے :
امیر المومنین کو پیغام پہنچا دے کہ تو مال اور سلطنت میں اللہ کا ولی ہے۔ ان لوگوں کو جزاء سے دور نہ رکھ۔ جو اللہ کے مال کو ہری بھری زمین تک پہنچاتے ہیں، نعمان کو پیغام بھیج دے کہ حساب کتاب یاد رکھ۔ اور جزء کو اور بشر کو پیغام دیدے اور دونوں خرچ کرنے والوں کو ہرگز نہ بھول جانا۔ بنی غزوان کے سسرالی رشتہ دار بہت ہیں (لیکن) مجھے شہادت گواہی کے لیے نہ بلانا کیونکہ میں غائب ہوجاتا ہوں شہ سواروں کی پہنچ سے مانند ہرنیوں کے ، مورتیوں کے ، اور خوبصورت سرخ عصفور سے رنگے ہوئے لپٹے پردوں کے جو صندوق میں غائب ہوجاتے ہیں جب ہندی تاجر ہرن کے مشک سے بھرے نافے لے کر آتے ہیں جو مشک ان کی مانگوں سے مہک رہی ہوتی ہے، تو جب وہ خریدو فروخت کرتے ہیں تو ہم بھی خرید وفروخشت کرنا چاہتے ہیں اور جب وہ جنگ کرتے ہیں تو ہم بھی جنگ کرتے ہیں لیکن کہاں ان کے پاس مال ہے اور نہ ہم مال مویشیوں والے ہیں۔ پس آپ ان کو میری جان تقسیم کردیں، جو جان میں آپ پر فدا کرچکا ہوں۔ کیونکہ وہ راضی ہوجائیں گے اگر آپ ان کے درمیان مجھے تقسیم کرلیں گے۔
چنانچہ حضرت عمر (رض) نے یہ اشعار سن کر ان کے نصف اموال تقسیم کردیئے اور فرمایا : ہم نے خالد کو شہادت (گواہی) سے چھوڑ دیا اور نصف ہم ان اعمال (ارکان حکومت) سے لیں گے۔
ابن عبدالحکم فی فتوح مصر