14550 عبدالرحمن بن عبدالعززی جو ثقہ شیخ ہیں فرماتے ہیں کہ حضرت عمر بن خطاب (رض) نے محمد بن مسلمۃ کو عمرو بن العاص (مصر کے گورنر) کے پاس بھیجا اور ان کو لکھ کر بھیجا اے وزراء حکومت تم لوگوں کے عمدہ اموال کے مالک بن بیٹھے ہو حرام طریقے سے حاصل کرتے ہو، حرام ہی کھاتے ہو اور حرام ہی چھوڑ جاتے ہو۔ میں تمہارے پاس محمد بن مسلمہ کو بھیج رہا ہوں وہ تمہارا مال تقسیم کرنے آرہے ہیں ان کو اپنا مال پیش کردینا۔ چنانچہ جب محمد سن مسلمہ ان کے پاس پہنچے تو انھوں (عمرو بن العاص (رض)) نے ان کو کوئی ہدیہ دیا لیکن محمد بن مسلمہ (رض) نے وہ ہدیہ واپس کردیا۔ حضرت عمرو بن العاص (رض) غضب ناک ہوگئے اور فرمانے لگے : اے محمد ! تو نے میرا ہدیہ کیوں واپس کردیا حالانکہ غزوہ ذات السلاسل سے واپس آتے ہوئے میں نے رسول اللہ (صلی اللہ علیہ وآلہ وسلم) کو ہدیہ پیش کیا تھا تو انھوں نے قبول فرمالیا تھا۔ محمد بن مسلمہ (رض) نے فرمایا : رسول اللہ (صلی اللہ علیہ وآلہ وسلم) وحی کے ساتھ جو چاہتے قبول فرماتے تھے اور وحی کی ہی وجہ سے منع فرمادیا کرتے تھے اگر یہ بھائی کا بھائی کے لیے ہدیہ ہوتا تو میں ضرور قبول کر لیتالیکن یہ ایک برے حاکم کا ہدیہ ہے۔ حضرت عمر (رض) نے فرمایا : اللہ ناس کرے اس دن کا جس دن میں عمر بن خطاب کی طرف سے والی بنا تھا۔ مجھے اچھی طرح یا رہے کہ میں (اپنے والد) عاص بن وائل کو ایسا دیباج (ریشم) پہنے ہوئے دیکھتا تھا جس کو سونے کے بٹن لگے ہوتے تھے۔ جبکہ (عمر کے باپ) خطاب گدھے پر لکڑیاں لادے مکہ میں پھرتے تھے۔ محمد نے فرمایا : تیرا باپ اور اس کا باپ دونوں جہنم میں ہیں۔ لیکن آج تجھ سے بہتر ہے۔ اگر آج جب تو اس کی مذمت کررہا ہے تیرییہ شان (اسلام کی وجہ سے) نہ ہوتی تو تو بھی بکری کو ٹانگوں میں دا بے اس کا دودھ دھورہا ہوتا اور اس کا زیادہ وہ دودھ تجھے خوش کرتا اور کم ہونے کی وجہ سے تجھے دکھ ہوتا۔ حضرت عمرو (رض) نے فرمایا : یہ غصہ کے لمحات تھوک دو اور یہ باتیں تیرے پاس امانت ہیں۔ پھر حضرت عمرو (رض) نے اپنا مال ان کے سامنے پیش کردیا اور حضرت محمد (رض) نے اس کو تقسیم فرمادیا اور واپس لوٹ آئے۔
ابن عبدالحکم فی فتوح مصر