١٥٠١۔۔ بشر بن قحیف سے مروی ہے کہ حضرت عمر (رض) کے پاس ایک شخص حاضر ہوا اور ان الفاظ میں آپ سے بیعت ہونے لگا کہ ہراس چیز میں جو میری طبیعت کے موافق یا مخالف ہے میں آپ سے بیعت ہوتا ہوں، آپ (رض) نے فرمایا نہیں بلکہ یوں کہو کہ جس قدر مجھ سے ممکن ہے اس کے مطابق میں آپ سے بیعت ہوتاہوں ۔ ابن سعد کیونکہ ہرچیز میں کماحقہ اطاعت بجالانا بسا اوقات انسانی وسعت سے باہر ہوجاتا ہے۔ اور پھر اس صورت میں وعدہ شکنی لازم آتی ہے۔