١٥٠٢۔۔ بشر بن قحیف سے مروی ہے کہ میں حضرت عمر (رض) کے پاس حاضر ہوا دیکھا کہ آپ کھانا کھانے میں مشغول ہیں اسی اثنا میں ایک شخص آپ کی خدمت میں آیا اور کہنے لگا کہ میں آپ سے بیعت ہونے کے لیے حاضر ہوا ہوں آپ نے فرمایا کیا تم نے میرے امیر کی بیعت نہیں کی ؟ عرض کیا کیوں نہیں، فرمایا اس کی بیعت میری بیعت ہے۔ اس شخص نے عرض کیا، لیکن میری خواہش ہے کہ میرے ہاتھوں کو آپ کے ہاتھوں کالمس نصیب ہو۔ حاضرین مجلس بھی کھانے میں چونکہ شریک تھے اس لیے فرمایا اللہ کے بندوہڈیوں سے ساراگوشت اچھی طرح نوچ لیا کرو پھر آپ بھی اس میں منہمک ہوئے اور ہڈی صاف کرکے ایک طرف ڈال دی اور ایک ہاتھ کو دوسرے ہاتھ سے پونچھا اور پھر فرمایا میں تم سے بیعت لیتاہوں کہ تم سنتے رہو گے اور اطاعت کرتے رہو گے۔ ابن جریر۔