١٥٣٣۔۔ ابوعقیل زھرہ بن معبد اپنے دادا عبداللہ بن ہشام سے روایت کرتے ہیں کہ اور عبداللہ بن ہشام نے نبی اکرم کا زمانہ مبارک پایا تھا تو ان کی والدہ زینب بنت جمیل ان کو نبی کریم کے پاس لے گئیں اور عرض کیا یارسول اللہ اس کو بیعت فرمالیجئے آپ نے فرمایا ابھی یہ بچہ ہے پھر آپ نے ان کے سرپر اپنا دست شفقت پھیرا، اور ان کے لیے دعا فرمائی۔ اور یہ عبداللہ بن ہشام اپنے جمیع اہل خانہ کے لیے ایک بکری قربانی کرتے تھے۔ ابن عساکر۔