١٥٦٩۔۔ ازمسند ابی بن کعب (رض)۔ ابولاسود (رح) سے مروی ہے کہ وہ حضرت عمران بن حصین (رض) کے پاس حاضر ہوئے اور عرض کیا کہ میرا اہل القدر تقدیر کے منکرین سے جھگڑا ہوگیا ہے حتی کہ انھوں نے مجھے تنگ کرڈالا ہے لہٰذا مجھے کوئی حدیث سنائیے شاید اس کے ذریعہ اللہ مجھے نفع دے فرمایا اگر میں کچھ کہوں توشاید تمہارے کانوں کو مایوسی کا سامنا کرنا پڑے ، گویا تم اس کو سنی اب سنی کردو میں نے عرض کیا میں اس لیے خاص نہیں ہوتا تو آپ (رض) نے فرمایا اگر اللہ تعالیٰ وتعالی ساتوں آسمان اور ساتوں زمین والوں کو عذاب میں مبتلا فرمادیں تو اس کا ذرہ بھران پر ظلم نہ ہوگا اور اگر ان سب کو اپنی رحمت میں ڈھانپ لے تو اس کی رحمت سب کے گناہوں پر حاوی ہوگی جیسا کہ اس ذات نے خود فرمایا ۔ یعذب من یشاء ویرحم من یشائ۔ وہ جس کو چاہے عذاب دے اور جس کو چاہے رحم کرے۔ وہ جس کو بھی عذاب سے دوچار کرے عین برحق ہے اور جس پر بھی رحم کرے عین برحق ہے۔
اگر سارے پہاڑ سونے یا چاندی کے ہوجائیں اور وہ شخص جو اچھی بری تقدیر کا منکر ہے۔ اور ان کو راہ خدا صرف کرڈالے توتب بھی کچھ نفع نہ دے اب تم جاؤ اور دیگر صحابہ سے بھی سوال کرو۔ ابوالاسود الدولی فرماتے ہیں میں مسجد کی طرف نکلا تو وہاں حضرت عبداللہ بن مسعود رضیا للہ عنہ اور ابی بن کعب کو پایا۔ میں نے دونوں سے سوال کیا تو حضرت عبداللہ بن مسعود نے ابی بن کعب سے فرمایا اے ابی اس کو بتاؤ ، حضرت ابی نے فرمایا آپ ہی فرمائیں اے ابوعبدالرحمن تو حضرت عبداللہ بن مسعود نے عین اسی کے مثل فرمایا جو حضرت عمران بن حصین فرماچکے تھے کچھ بھی کمی بیشی نہ فرمائی گویا انہی سے سن کر جواب دیا ہے پھر حضرت عبداللہ بن مسعود (رض) نے حضرت ابی بن کعب سے فرمایا اے ابی کیا تم بھی یہی کہتے ہو ؟ انھوں نے فرمایا بالکل۔ ابن جریر۔