١٥٧٦۔۔ ازمسندا بن عمر ۔ ابن عمر (رض) سے روایت ہے کہ آپ اپنے ہاتھوں میں کوئی شے لیے ہوئے باہر تشریف لائے پھر آپ نے دایاں ہاتھ کھولا اور فرمایا بسم اللہ الرحمن الرحیم، یہ رحمن ورحیم کی کتاب ہے اس میں اہل جنت کی تعداد اور ان کے حسب ونسب وغیرہ کے ہیں اور اسی پر ان کو اٹھایا جائے گا۔
کبھی بھی اس میں کوئی کمی بیشی نہیں ہوسکتی پھر آپ نے بایاں ہاتھ کھولا اور فرمایا بسم اللہ الرحمن الرحیم، یہ رحمن ورحیم کی کتاب ہے اس میں اہل جہنم کی تعداد اور ان کے حسب ونسب وغیرہ کے ہیں اور اسی پر ان کو اٹھایا جائے گا کبھی بھی اسمین کوئی کمی بیشی نہیں ہوسکتی۔ کبھی اہل شقاوت میں اہل سعادت کا طریقہ رائج ہوجاتا ہے۔۔ حتی کہ کہا جانے لگتا ہے کہ یہ لوگ کس قدر نیک بختوں میں مشابہ ہوگئے ہیں لیکن پھر شقاوت ان کو جالیتی ہے اور ان کو اس سے نکال لاتی ہے کبھی اہل سعادت میں اہل شقاوت کا طریقہ رائج ہوجاتا ہے حتی کہ کہا جانے لگتا ہے کہ یہ لوگ کس طرح بری حالت ان بدبختوں کے ہوبہو ہوگئے ہیں لیکن پھر سعادت ان کو جالیتی ہے اور ان کو اس سے نجات دیتی ہے بس اعمال کا دارومدار خاتمہ پر ہے پس اعمال کا دارومدار خاتمہ پر ہے۔ ابن جریر۔