١٥٧٥۔۔ از مسند عبادۃ بن صامت (رض) ، ولید بن عبادہ سے مروی ہے کہ جب حضرت عبادہ بن صامت کا آخری وقت آیاتوان کے فرزند نے پوچھا اے اباجان مجھے کچھ وصیت فرما دیجئے فرمایا اے بیٹے اللہ سے ڈرتے رہو، اور تم اللہ سے ڈرنے کا مقام اس وقت تک پیدا نہیں کرسکتے جب تک کہ اللہ پر ایمان نہ لاؤ، اور اللہ پر اس وقت تک ایمان نہیں لاسکتے جب کہ اچھی بری تقدیر پر ایمان نہ لاؤ اور اس بات کا یقین نہ کرلو کہ جو چیز تجھ کو پہنچی وہ ہرگز چوکنے والی نہ تھی اور جو نہیں پہنچی وہ ہرگز پہنچنے والی نہ تھی، میں نے رسول کریم کو فرماتے ہوئے سنا کہ تقدیریہی ہے سو جو اس کے علاوہ پر مرا اللہ اس کو جہنم میں داخل فرمادیں گے۔ ابن عساکر۔