١٥٩٧۔۔ از مسند علی ۔ حاتم بن اسماعیل سے مروی ہے کہ میں جعفر بن محمد کے پاس تھا، آپ کے پاس چند لوگوں کی ایک جماعت حاضر ہوئی اور کہنے لگی اے رسول اللہ کے فرزند ، ہمیں بتائیے کہ ہم میں سے کس کی بات شرانگیز ہے ؟ فرمایا لاؤ، تمہیں کیا بات پیش آئی ؟ وہ کہنے لگے کہ ہم میں سے ایک قدری ہے اور دوسرامرجی ہے اور تیسراخارجی ہے حضرت جعفر نے فرمایا مجھے میرے والد محمد نے بیان کیا وہ اپنے والد علی سے روایت کرتے ہیں کہ اور وہ اپنے والد حضرت حسین سے روایت کرتے ہیں کہ اور وہ اپنے والد بزرگوار حضرت علی بن ابی طالب سے روایت کرتے ہیں کہ انھوں نے نبی کریم کوسنا آپ امامہ الباھلی کو فرما رہے تھے کہ تو کسی قدری کے پاس بیٹھ اور نہ ہی کسی مرجی کے پاس اور نہ کسی خارجی کے پاس بیٹھ وہ دین کو یوں اوندھا کرنے والے ہیں جس طرح برتن کو اوندھا کردیاجاتا ہے اور وہ اس طرح غلوبازی سے کام لینے والے ہیں جس طرح یہود و نصاری نے غلوبازی سے کام لیاہرامت میں کچھ مجوسی ہوتے ہیں اور اس امت کے مجوسی قری ہیں پس ان کی جماعت میں نہ جاؤ، خبردار ! وہ بندروں اور خنزیروں کی صورت میں مسخ کردیے جائیں گے اور اگر میرے رب کا مجھ سے وعدہ نہ ہوتا کہ میری امت میں خسف زمین میں دھنسایانہ جائے گا تو وہ اس دنیا میں ضرور خسف میں مبتلا ہوجاتے اور مجھے میرے والد نے اپنے والد سے اور انھوں نے حضرت علی سے روایت کی کہ حضرت علی نے آپ کو فرماتے ہوئے سنا کہ خوارج دین سے یوں دور نکل گئے ہیں جس طرح تیرکمان سے نکل جاتا ہے اور وہ اپنی قبروں میں کتوں کی شکل میں ہوجائیں گے۔ اور روز قیامت بھی کتوں ہی کی شکل میں اٹھائے جائیں گے اور یہ جہنم کے کتے ہیں۔ اور مجھے میرے والد نے اپنے والد سے اور انھوں نے حضرت علی سے روایت کیا کہ حضرت علی نے آپ کو فرماتے ہوئے سنا کہ میری امت کے دو گروہوں کو میری شفاعت نصیب نہ ہوگی مرجیہ اور قدریہ، قدریہ وہ ہیں جو تقدیر کا انکار کرتے ہیں اور وہ اس امت کے مجوسی ہیں اور مرجیہ وہ ہیں جو قول وعمل میں تفریق کرتے ہیں اور یہ اس امت کے یہودی ہیں۔ السلفی فی انتخاب حدیث القرائ۔ مرجیہ کہتے ہیں کہ جس طرح کفر کے ساتھ کوئی عمل مقبول نہیں اسی طرح ایمان کے ساتھ کوئی معصیت مضر نہیں فقط ایمان قول کا نام ہے۔ عمل کی حاجت نہیں اس طرح یہ عمل اور قول میں فرق کرتے ہیں جبکہ ایمان عمل اور قول ہر دوکانام ہے۔