١٧٢٦۔۔ حضرت عمر سے مروی ہے کہ ایک شخص نے ان کے پاس اندر آنے کی اجازت طلب کی اور یوں کہنے لگا معزز و شرفاء کے فرزند کو اجازت دی جائے۔ حضرت عمر نے فرمایا اس کو اجازت دیدو۔ آنے پر اس سے دریافت فرمایا تو کون ہے ؟ کہا میں فلاں بن فلاں بن فلاں اور یوں زمانہ جاہلیت کے کئی اشراف ومعززین کے نام گنوائے حضرت عمر نے فرمایا نہیں تویوسف (علیہ السلام) بن یعقوب بن اسحاق بن ابراہیم (علیہم السلام) ہے ؟ کہا نہیں۔ فرمایا پھر معزز و شرفاء کے فرزند تو وہ ہیں تو بدترین لوگوں کا فرزند ہے جن کا شمار اہل جہنم میں ہوتا ہے۔ المستدرک للحاکم۔