١٧٢٨۔۔ از مسند عمر (رض)۔ سعید بن یسار سے مروی ہے کہ جب حضرت عمر کو یہ خبرموصول ہوئی کہ ملک شام میں ایک شخص نے اپنے مومن ہونے کا دعوی کیا ہے حضرت عمر نے وہاں کے امیر کو پیغام بھیجا کہ اس کو میرے پاس بھیج دو ، جب وہ آپ کی خدمت میں آیا تو آپ نے اس سے پوچھا کیا تو اپنے مومن ہونے کا مدعی ہے ؟ عرض کی جی ہاں۔ فرمایا تفوہ ! وہ کیسے ؟ عرض کیا کیا آپ لوگ رسول اللہ کے ساتھ تین اصناف کے لوگ نہ تھے ؟ مشرک، منافق، مومن، تو آپ کن میں سے تھے ؟ حضرت عمر اس کی بات کو سمجھ گئے اور ازراہ خوشی اس کی طرف ہاتھ بڑھایا اور اس کا ہاتھ تھام لیا۔ شعب الایمان۔