18576 ۔۔۔ اسامہ بن ابی عطاء (رح) سے مروی ہے ، فرماتے ہیں کہ میں نعمان بن بشیر (رض) کے پاس تھا ، اتنے میں سوید بن غفلہ (رض) تشریف لے آئے ۔ نعمان بن بشیر (رض) نے ان سے پوچھا : مجھے خبر پہنچی ہے کہ آپ نے ایک بار رسول اللہ (صلی اللہ علیہ وآلہ وسلم) کے ساتھ نماز ادا فرمائی ہے ؟ حضرت سوید (رض) نے فرمایا : نہیں بلکہ کئی بار پڑھی ہے۔ جب نبی کریم (صلی اللہ علیہ وآلہ وسلم) کو اذان کی آواز کانوں میں پڑتی تھی تو اس وقت (آپ ہر شی سے) ایسے (غافل) ہوجاتے تھے گویا کسی کو جانتے ہی نہیں ہیں۔ (رواہ ابن عساکر)