18640 ۔۔۔ حضرت ثابت (رض) حضرت انس بن مالک (رض) سے روایت کرتے ہیں کہ ایک سائل حضور اکرم (صلی اللہ علیہ وآلہ وسلم) کے پاس آیا آپ نے اس کے لیے ایک کھجور کا حکم دیا۔ سائل نے وہ کھجور لے کر پھینک دی۔ پھر دوسرا سائل آیا آپ نے اس کے لیے بھی ایک کھجور کا حکم دیا ۔ اس نے کہا سبحان اللہ ! رسول اللہ (صلی اللہ علیہ وآلہ وسلم) سے ملی ہوئی کھجور ہے۔ آپ (صلی اللہ علیہ وآلہ وسلم) نے ایک باندی کو حکم دیا : ام سلمہ (رض) کے پاس جاؤ اور اس کو کہو کہ جو تمہارے پاس چالیس درہم ہیں وہ اس سائل کو دے دے ۔ شعب الایمان للبیہقی