18754 ۔۔۔ حضرت سعید بن المسیب (رح) سے مروی ہے کہ جب سیدنا حضرت ابوبکر صدیق (رض) حضور اکرم (صلی اللہ علیہ وآلہ وسلم) کے پاس پہنچے تو آپ پر کپڑا ڈھکا ہوا تھا سیدنا حضرت ابوبکر صدیق (رض) نے فرمایا : قسم ہے اس ذات کی جس کے ہاتھ میں میری (بھی) جان ہے رسول اللہ (صلی اللہ علیہ وآلہ وسلم) کی وفات ہوچکی ہے۔ آپ پر اللہ کی رحمتیں ہوں ۔ پھر آپ (صلی اللہ علیہ وآلہ وسلم) پر جھکے اور آپ کو بوسلہ دیا اور فرمایا : آپ نے زندگی بھی اچھی گزاری اور موت بھی عمدہ پائی ۔ (رواہ ابن سعد)