١٨٧٧۔۔ فرشتگان خدا کی کچھ جماعتیں فارغ رہتی ہیں، یہ زمین پر ذکر کی مجالس میں ٹھہرتی ہیں سو تم جنت کے باغات میں چرا کرو، دریافت کیا گیا جنت کے باغات کہاں ہیں، فرمایا ذکر کی مجالس، پس تم بھی صبح وشام اللہ کے ذکر میں مشغول رہو، اور اپنے دلوں کو بھی اس کے ذکر سے منور کرو، جو اللہ کے ہاں اپنا مرتبہ جانناچاہتاہو اس کو چاہے کہ اپنے ہاں اللہ کا مرتبہ دیکھ لے کیونکہ اللہ تعالیٰ بندہ کو اسی مرتبہ میں رکھتے ہیں جس میں بندہ اپنے دل میں اللہ کو مرتبہ دیتا ہے۔ عبد بن حمید، المستدرک للحاکم، ابن شاھین، فی الترغیب فی الذکر، بروایت جابر (رض)۔