١٨٧٨۔۔ اللہ کے کچھ فاضل فرشتے ذکر کی تلاش میں سرگرداں رہتے ہیں، جہاں ذکرہورہا ہوتا ہے وہاں جمع ہوجاتے ہیں اور ذکر کی کسی مجلس میں پہنچتے ہیں تواوپرتلے صف بندی کرتے ہوئے عرش خداوندی تک چلے جاتے ہیں پھر فرشتے ختم مجلس پر بارگاہ الٰہی میں حاضر ہوتے ہیں تو اللہ ان سے سوال کرتے ہیں حالانکہ وہ اپنے بندوں کے احوال کو بخوبی جانتے ہیں کہ کہاں سے آرہے ہو ؟ فرشتے عرض کرتے ہیں تیرے بندوں کے پاس سے جو تجھ سے جنت طلب کررہے تھے ؟ جہنم سے پناہ مانگ رہے تھے اور تجھ سے اپنے گناہوں کی مغفرت کی طلب گار تھے ۔ ارشاد ہوتا ہے وہ جنت طلب کررہے تھے لیکن اگر وہ جنت کو دیکھ لیتے تو ان کا کیا حال ہوتا ؟ وہ جہنم سے پناہ مانگ رہے تھے کہ لیکن اگر جہنم دیکھ لیتے تو ان کا کیا حال ہوتا ؟ پس میں نے ان سب کی مغفرت کردی ہے عرض کرتے ہیں پروردگار آپ کا ایک گناہ گار بندہ ان میں شامل نہیں تھا بلکہ وہ اپنی کسی حاجت کے لیے آیا تھا، اللہ فرماتے ہیں یہ ایسے ہم نشین ہیں کہ ان کے پاس بیٹھنے والا بھی محروم نہیں رہتا۔ ابن شاھین، فی الترغیب فی الذکر بروایت ابوہریرہ (رض) ابن شاھین، فرماتے ہیں ذکر میں یہ حدیث احسن اور اصح السند ہے۔