18789 ۔۔۔ جابر بن عبداللہ سے مروی ہے کہ حضرت کعب احبار (رح) سیدنا حضرت علی المرتضی (رض) کے زمانہ میں (مدینہ) تشریف لائے ۔ ہم لوگ سیدنا حضرت عمر ابن خطاب (رض) کے پاس ہی بیٹھے تھے ۔ کعب (رح) نے عرض کیا : یا امیر المؤمنین ! حضور اکرم (صلی اللہ علیہ وآلہ وسلم) نے آخری کلام کیا کیا تھا ؟ سیدنا حضرت عمر ابن خطاب (رض) نے فرمایا : علی سے سوال کرو ۔ پوچھا : علی کہاں ہیں ؟ فرمایا : وہ ادھر رہے ان سے سوال کرو۔ سیدنا حضرت علی المرتضی (رض) نے فرمایا : میں نے آپ (صلی اللہ علیہ وآلہ وسلم) کو اپنے سینے کے ساتھ ٹیک لگایا آپ نے اپنا سر میرے کندھے پر رکھ دیا اور فرمایا : ” الصلوۃ ! الصلوۃ !: (نماز کی پابندی کرو ، نماز کی پابندی کرو) حضرت کعب (رح) نے فرمایا : یہی انبیاء کا عہد رہا ہے ، اسی کا ان کا حکم دیا گیا ہے اور اسی پر ان کو اٹھایا جائے گا ۔ حضرت کعب احبار (رح) نے پوچھا : آپ (صلی اللہ علیہ وآلہ وسلم) کو غسل کس نے دیا ہے ؟ یا امیر المؤمنین ! فرمایا علی سے سوال کرو ۔ انھوں نے سیدنا حضرت علی المرتضی (رض) سے پوچھا تو آپ (رض) نے فرمایا : میں آپ (صلی اللہ علیہ وآلہ وسلم) کو غسل دے رہا تھا ۔ عباس (رض) بیٹھے تھے ۔ اسامہ اور شقران میرے پاس پانی لے کر آ جا رہے تھے ۔ (رواہ ابن سعد) کلام : ۔۔۔ اس روایت کی سند ضعیف ہے۔