18823 ۔۔۔ حضرت انس بن مالک (رض) سے مروی ہے حضور اکرم (صلی اللہ علیہ وآلہ وسلم) تین دن تک ہماری طرف نکل کر تشریف نہ لائے ، نماز قائم ہوتی رہی ۔ سیدنا حضرت ابوبکر صدیق (رض) لوگوں کو نماز پڑھاتے رہے ۔ پھر رسول اللہ (صلی اللہ علیہ وآلہ وسلم) نے پردہ اٹھایا تو اس وقت ہم نے اس سے اچھا کوئی نظارہ نہیں دیکھا جب رسول اللہ (صلی اللہ علیہ وآلہ وسلم) کا چہرہ ہم پر کھلا ۔ پھر نبی کریم (صلی اللہ علیہ وآلہ وسلم) نے سیدنا حضرت ابوبکر صدیق (رض) کو اشارہ فرمایا کہ کھڑے رہیں خود پردہ گرا دیا ۔ اس کے بعد آپ (صلی اللہ علیہ وآلہ وسلم) کی زیارت نصیب نہ ہوئی حتی کہ آپ وفات پاگئے ۔ (مسند ابی یعلی ، ابن خزیمۃ)