١٩١٤۔۔ اے بندگان خدا۔ ذکرالٰہی کرتے رہو۔ کیونکہ بندہ جب سبحان اللہ وبحمدہ کہتا ہے تو اس کے لیے دس نیکیاں لکھی جاتی ہیں اور دس بار پڑھنے سے سو نیکیاں لکھی جاتی ہیں اور سو بار پڑھنے سے ہزار نیکیاں لکھی جاتی ہیں اور جو زیادہ کرتا ہے اللہ اس کا اجر بھی زیادہ کرتا ہے اور جو اللہ سے مغفرت کا طلب گار ہوتا ہے اللہ اس کی مغفرت فرما دیتے ہیں۔ ابن شاھین، بروایت ابن عمر (رض)۔
رواۃ الخطیب اور اس میں یہ اضافہ مذکور ہے جس کی سفارش حدود اللہ نافذ کرنے میں حائل ہوتی وہ اللہ کی سلطنت میں اللہ سے ضد اور دشمنی کرتا ہے۔ اور جس نے بغیر علم کے کسی خصومت و جھگڑے میں حمایت ومدد کی اس نے اللہ کی ناراضگی مول لے لی۔ اور جس نے کسی مومن مرد یا عورت کو تہمت زنی کی اللہ اس کو ردغۃ الخبال جہنمیوں کے خون وپیب سے بھری ہوئی جہنم کی وادی میں قید فرمائیں گے، حتی کہ وہ اس کا سبب وعذر لائے اور جو اپنے اوپرقرض لے کر مرا، اس کی نیکیوں میں سے اس کا بدلہ دیا جائے گا کیونکہ وہاں دراہم و دینار نہ ہوں گے۔ التاریخ للخطیب ، بروایت ابن عمر (رض)۔