١٩٤٩۔۔ تو نے اللہ سے اس کے اسم اعظم کے ذریعہ سوال کیا تھا جس کے ذریعہ جو مانگاجاتا ہے عطا ہوتا ہے اور جب بھی اس کے ذریعہ دعا کی جاتی ہے قبول ہوتی ہے۔ ابن ابی شیبہ۔ ابن ماجہ، ابن حبان، المستدرک للحاکم، بروایت بریدہ۔ حضور نے کسی شخص کو یوں دعا کرتے سنا تھا۔ اللھم انی اسئلک بانک انت اللہ لاالہ الاانت لاحد الصمد، الذی لم یلد ولم یولد، ولم یکن لہ کفوا احد۔ اے اللہ میں تجھ سے اس واسطے سے سوال کرتا ہوں تو ہی اللہ ہے تیرے سوا کوئی معبود نہیں توتنہا وبے نیاز ہے۔ جس نے کسی کو جنم دیا ہے اور نہ خود اس کو جنم دیا گیا ہے۔ یہ سن کر آپ نے مذکورہ جواب ارشاد فرمایا۔