19629 ۔۔۔ جب تو نماز میں کھڑا ہو تو تکبیر کہہ پھر جو قرآن کا حصہ آسان محسوس ہو پڑھ پھر جب رکوع کرے تو اپنے ہاتھوں کو اپنے گھٹنوں پر ثابت (جما کر) رکھ حتی کہ تیرا ہر عضو پر سکون ہوجائے ۔ پھر جب سر اٹھائے اس طرح سیدھا ہوجا کہ تمام اعضاء پرسکون ہوجائیں ۔ پھر سجدہ کرے تو اطمینان کے ساتھ حتی کہ تیرا ہر عضو ، پرسکون ہوجائے ، پھر سر اٹھائے تو سیدھا ہو(کر بیٹھ) جا حتی کہ ہر عضو اپنی جگہ پر سکون ہوجائے ۔ پھر (دوسرا سجدہ) یونہی کر ، جب نماز کے درمیان (دوسری یا آخری رکعت) میں بیٹھے تو اطمینان کے ساتھ بیٹھ اور اپنی بائیں ران پر بیٹھ جا اور تشہد پڑھ ۔ پھر جب کھڑا ہو تو یونہی کرتا رہ حتی کہ تو اپنی نماز سے فارغ ہوجائے ۔ (الکبیر للطبرانی عن رفاعۃ بن رافع)