21547 ۔۔۔ اے چچا ! کیا میں آپ کو صلہ نہ دوں ؟ میں آپ کو خیر کی چیز نہ دوں ؟ میں آپ کو ایک نفع دہ چیز نہ دوں ؟ انھوں نے عرض کیا : کیوں نہیں یا رسول اللہ ! تب آپ (صلی اللہ علیہ وآلہ وسلم) نے ارشاد فرمایا : اے چچا ! چار رکعات پڑھ ، ہر رکعت میں فاتحۃ الکتاب اور کوئی سورت پڑھ، جب قرات پوری ہوجائے تو پندرہ بار اللہ اکبر والحمد للہ و سبحان ولا الہ الا اللہ “۔ پندرہ بار پڑھ رکوع کرنے سے قبل ، پھر رکوع کر اور سر اٹھانے سے قبل دس بار پڑھ ، پھر سر اٹھا اور سجدہ کرنے سے قبل دس بار پڑھ ، پھر سجدہ کر اور دس بار پڑھ پھر سر اٹھا اور دس بار پڑھ ، پھر سجدہ کر اور دس بار پڑھ ، پھر سر اٹھا اور کھڑا ہونے سے قبل دس بار پڑھ ، یہ ہر رکعت میں پچھتر تسبیحات ہوئیں اور چار رکعت میں تین سو کی تعداد ہوجائے گی ۔ پس اگر تیرے گناہ ریت کے ذرات سے زیادہ ہوں گے تب بھی اللہ ان کو بخش دے گا ، اگر تو ہر روز یہ نماز نہیں پڑھ سکتا تو ہر ماہ میں ایک بار پڑھ لیا کر اور اگر یہ بھی نہیں کرسکتا تو ہر سال میں ایک بار ضرور پڑھ لیا کر۔ (الترمذی ، ابن ماجہ عن ابی رافع)