21548 ۔۔۔ اے چچا ! کیا میں تجھے ایک صلہ نہ دوں ؟ کیا میں تجھے ایک خیر نہ دوں ؟ کیا میں تجھے ایک نفع مندشے نہ دوں ؟ انھوں نے عرض کیا : کیوں نہیں یا رسول اللہ (صلی اللہ علیہ وآلہ وسلم) ! آپ (صلی اللہ علیہ وآلہ وسلم) نے ارشاد فرمایا : چار رکعات پڑھ ۔ ہر رکعت میں فاتحۃ الکتاب اور کوئی سورت پڑھ۔ پھر قرات کے بعد پندرہ بار پڑھ : اللہ اکبر والحمد للہ و سبحان اللہ ولا الہ الا اللہ “۔ رکوع سے قبل پھر رکوع کر اور دس بار پڑھ سر اٹھانے سے قبل ، پھر سر اٹھا اور دس بار پڑھ سجدہ کرنے سے قبل ، پھر سجدہ کر اور سر اٹھانے سے قبل دس بار پڑھ ۔ پھر سر اٹھا اور دس بار پڑھ ، پھر سجدہ کر اور دس بار پڑھ ، پھر سر اٹھا اور کھڑا ہونے سے قبل بیٹھ کر دس بار پڑھ ، یہ رکعت میں پچھتر کی تعداد ہوگئی اور چار رکعات میں تین سو کی تعداد ہوگئی ۔ گر تیرے گناہ ریت کے ذرات سے زیادہ یا فرمایا سمندر کی جھاگ سے زیادہ ہوں گے اللہ پاک اس کو بخش دے گا ، پوچھا : یا رسول اللہ (صلی اللہ علیہ وآلہ وسلم) یہ نماز ہر روز کون پڑھ سکتا ہے ؟ ارشاد فرمایا : اگر ہر روز نہیں پڑھ سکتا تو ہر جمعہ میں ایک بار پڑھا کر ، اگر یہ بھی کرسکتا تو ہر ماہ میں ایک بار پڑھا کر اور اگر اس کی بھی ہمت نہیں کرسکتا تو ہر سال میں ایک بار پڑھ لیا کر ۔ (الترمذی غریب ، ابن ماجہ ، الکبیر للطبرانی عن ابی رافع) کلام : ۔۔۔ امام ابن جوزی (رح) نے اس روایت کو موضوعات میں شمار کرکے غلطی کی ہے ، امام ابن عساکر نے اس کو عن ابی رافع عن العباس کے طریق سے نقل کیا اور فرمایا یہ حضرت ابو رافع (رض) کی حضور اکرم (صلی اللہ علیہ وآلہ وسلم) سے روایت کردہ حدیث ہے۔