21549 ۔۔۔ اے غلام ! کیا میں تجھے ایک چیز نہ بخشوں ؟ کیا میں تجھے ایک عطیہ نہ کروں ؟ کیا میں تجھے ایک خیر کی شے نہ دوں ؟ تو ہر روز دن یا رات میں چار رکعات پڑھ، اس میں سورة فاتحہ اور سورة پڑھ ، پھر پندرہ بار ” سبحان اللہ والحمد للہ ولا الہ الا اللہ واللہ اکبر “۔ پڑھ پھر رکوع کر اور دس بار یہی کلمات پڑھ ، پھر سر اٹھا کر دس بار یہ کلمات پڑھ ، اسی طرح ہر رکعت میں پڑھ ، پھر تشہد کے بعد اور سلام پھیرنے سے قبل یہ دعاکر : للہم انی اسالک توفیق اھل الھدی و اعمال اھل الیقین ومناصحۃ اھل التوبۃ وعزم اھل الصبر وجد اھل الخشیۃ وطلبۃ اھل الرغبۃ وتعبد اھل الورع وعرفان اھل العلم ، حتی اخافک ، اللہم انی اسالک مخافۃ تحجزنی بھا عن معاصیک وحتی اعمل بطاعتک عملا استحق بہ رضاک وحتی اناصحک فی التوبۃ خوفا منک وحتی اخلص لک النصیحۃ حبالک ، وحتی اتوکل علیک فی الامور ، وحسن الظن بک ، سبحان خالق النور۔ پس جب اے ابن عباس ! تو نے یہ کرلیا تو اللہ پاک تیرے گناہ معاف کر دے گا چھوٹے اور بڑے ، پرانے اور نئے ، خفیہ اور اعلانیہ ، جان بوجھ کر کیے ہوئے اور جو بھول چوک سے سرزد ہوئے ، سب گناہ معاف کر دے گا ۔ ترجمہ دعا : ۔۔۔ اے اللہ ! میں تجھ سے سوال کرتا ہوں اہل ہدایت کی توفیق کا ، اہل یقین کے اعمال کا ، اہل توبہ کی سچائی کا ، اہل صبر کے عزم کا ، اہل خشیت کی کوشش اور محنت کا ، اہل رغبت کی طلب کا ، متقیوں کی عبادت کا ، اہل علم کے عرفان کا تاکہ میں آپ سے خوف کرنے لگوں ۔ اے اللہ ! میں آپ سے ایسے خوف کا سوال کرتا ہوں ، جو مجھے آپ کی نافرمانیوں سے روک دے ، نیز تاکہ میں آپ کی اطاعت کرنے لگوں جس سے آپ کی رضا مجھے حاصل ہوجائے ، نیز تاکہ میں سچی توبہ کروں آپ سے ڈرتے ہوئے تاکہ آپ سے محبت کرتے ہوئے آپ کی سچی لگن اور نصیحت حاصل کروں ، نیز تاکہ امور میں آپ پر پورا بھروسہ کرنے لگوں اور تجھ سے اچھا گمان رکھنے لگوں اے نور والے ! ” حلیۃ الاولیاء عن ابن عباس (رض))