22354 ۔۔۔ اسی طرح حضرت عبداللہ ابن مسعود (رض) کی روایت ہے کہ رسول اللہ (صلی اللہ علیہ وآلہ وسلم) نے ہمیں جوامع الخیر اور فواتح الخیر سکھائے ہیں ہم نہیں جانتے تھے کہ ہم تشہد میں کیا کہا کریں چنانچہ رسول اللہ (صلی اللہ علیہ وآلہ وسلم) نے ہمیں سکھایا کہ یوں کہو : لتحیات للہ والصلوات والطیبات السلام علیک ایھا النبی و رحمۃ اللہ وبرکاتہ السلام علینا وعلی عباد اللہ الصالحین اشھد ان لا الہ الا اللہ واشھد ان محمدا عبدہ ورسولہ “۔ (رواہ عبدالرزاق) فائدہ : ۔۔۔ واضح رہے کہ مذکورہ بالا روایت میں دو طرح کا تشہد روایت کیا گیا ہے چنانچہ اوپر کی دو روایتوں میں جو تشہد ذکر ہوا ہے یہی امام اعظم ابوحنیفہ (رح) کے نزدیک راجح جب کہ ماقبل میں جو ذکر ہوا ہے اسے امام شافعی (رح) نے اپنا ہے تاہم چند وجوہ ترجیح کی وجہ سے امام ابوحنیفہ (رح) نے اس تشہد کو راجح قرار دیا ہے تفصیل کے لیے کتب فقہ ہدایہ ، بدائع الصنائع اور بحر الرائق وغیرھا کو دیکھ لیا جائے ۔