22533 ۔۔۔ ” مسند حذیفہ بن یمان (رض) “ شقیق کہتے ہیں میں ایک مرتبہ حضرت حذیفہ (رض) کے پاس تھا اچانک ایک آدمی آیا اور نماز پڑھنے لگا اس نے نماز ہی میں اپنے سامنے تھوک دیا جب نماز سے فارغ ہوا تو حضرت حذیفہ (رض) نے اس سے فرمایا : نہ اپنے سامنے تھوک اور نہ ہی دائیں جانب چونکہ تمہارے دائیں جانب نیکیوں کو رکھنے والے فرشتے ہوتے ہیں بلکہ اپنی بائیں طرف تھوکو یا پیچھے تھوکو سو آدمی جب نماز کے لیے کھڑا ہوتا ہے تو اللہ تعالیٰ اس کے سامنے ہوتا ہے اللہ تعالیٰ اس کی طرف سے توجہ نہیں ہٹاتے جب تک کہ وہ خود اللہ کی طرف سے توجہ نہ ہٹا لے یا اس سے کوئی بری الذمہ نہ ہوجائے ۔ (ابن عساکر)