22534 ۔۔۔ حضرت عبداللہ ابن عباس (رض) کی روایت ہے کہ نبی کریم (صلی اللہ علیہ وآلہ وسلم) نے سیدنا حضرت علی المرتضی (رض) کو رکوع میں قرات کرنے سے منع فرمایا ہے۔ (رواہ ابن جریر)
مستحبات نماز ۔۔۔ حضور قلب : فائدہ : ۔۔۔ نماز میں حضور قلب کو وہ حیثیت حاصل ہے جو سر میں دماغ کو اور بقیہ اعضاء جسمانیہ میں دل کو چنانچہ دل یا دماغ فیل ہوجائے تو انسان چند گھڑی کا مہمان رہ جاتا ہے چنانچہ اسی طرح اگر نماز کی ظاہری صورت موجودہ ہو اور حضور قلب سے خالی ہو وہ نماز ذمہ سے تو ساقط ہوجائے گی لیکن تمام تر خوبیوں سے خالی ہوگئی نماز میں یہی حضور قلب تھا کہ صحابہ کرام رضوان اللہ تعالیٰ عنہم اجمعین کے جسم تیروں سے چھلنی ہوجاتے مگر انھیں خبر تک نہ رہتی سیدنا حضرت علی المرتضی (رض) کے جسد اطہر میں نیزے کا پھل گھس گیا جو نماز میں نکالا گیا اسی حضور قلب کے متعلق درج ذیل میں احادیث لائی جارہی ہیں۔