22551 ۔۔۔ حضرت ابوسعید (رض) کی روایت ہے کہ ایک آدمی نے عرض کیا : یا رسول اللہ (صلی اللہ علیہ وآلہ وسلم) کون سی دعا افضل ہے جسے میں نماز میں کیا کروں ؟ آپ (صلی اللہ علیہ وآلہ وسلم) نے فرمایا یہ دعا کیا کرو ۔ ” اللہم لک الحمد کلہ ولک الشکر کلہ ولک الملک کلہ ولک الخلق کلہ بیدک الخیر کلہ والیک یرجع الامر کلہ اسالک من الخیر کلہ وعوذبک من الشرکلہ “۔ یا اللہ تمام تر تعریفیں تیرے ہی لیے ہیں اور شکر تیرے ہی لیے ہے بادشاہت صرف تیری ہے اور مخلوق بھی ساری تیری ہی ہے ساری بھلائی تیرے قبضہ قدرت میں ہے اور تیری ہی طرف تمام امور نے لوٹنا ہے میں ساری کی ساری بھلائی تجھی سے مانگتا ہوں اور سارے کے سارے شر سے تیری پناہ چاہتا ہوں ۔ (ابن ترکان فی الدعاء والدیلمی)