22552 ۔۔۔ حضرت ابو عبداللہ اشعری (رض) کی روایت ہے کہ رسول اللہ نے ایک آدمی کو نماز پڑھتے دیکھا جو اطمینان سے نہ رکوع کررہا تھا اور سجدہ بھی کوے کی ٹھونکوں کی طرح کررہا تھا ، آپ (صلی اللہ علیہ وآلہ وسلم) نے فرمایا : اگر اسی حالت پر اسے موت آگئی تو ملت محمد (صلی اللہ علیہ وآلہ وسلم) پر اس کی موت واقع نہیں ہوگی پھر ارشاد فرمایا : جب کوئی نماز پڑھے تو اسے چاہیے کہ اطمینان سے رکوع کرے اور کوے کی طرح سجدے میں ٹھونکیں نہ مارے اس آدمی کی مثال بھوکے کی سی ہے جو ایک دو کھجوریں کھالے یا اس کی مثال مرغ کی سی ہے جو خون میں چونچ مار لیتا ہے چنانچہ نہ وہ آدمی بھوک سے سیر ہو پاتا ہے اور نہ ہی مرغ ، (راوہ ابن عساکر)