22633 ۔۔۔ سیدنا حضرت علی المرتضی (رض) کی روایت ہے کہ ایک مرتبہ علقمہ بن ملانہ (رض) حضور اکرم (صلی اللہ علیہ وآلہ وسلم) کی خدمت میں حاضر ہوئے ، آپ (صلی اللہ علیہ وآلہ وسلم) نے ان کے لیے سری منگوائی اور ان کے ساتھ کھانے بیٹھ گئے اتنے میں بلال (رض) آئے اور نماز کا کہا لیکن آپ (صلی اللہ علیہ وآلہ وسلم) نے انھیں کچھ جواب نہ دیا ۔ بلال مسجد میں واپس لوٹ گئے اور کافی دیر تک بیٹھے رہے ۔ بلال پھر آئے اور کہنے لگے یا رسول اللہ ! نماز کا وقت ہوچکا ہے بخدا صبح ہوچکی ہے رسول اللہ (صلی اللہ علیہ وآلہ وسلم) نے فرمایا : اللہ تعالیٰ بلال پر رحم فرمائے اگر بلال نہ ہوتے تو ہم امید ظاہر کرتے کہ نماز طلوع شمس تک موخر کردی جائے سیدنا حضرت علی المرتضی (رض) نے فرمایا : بالفرض اگر بلال (رض) قسم نہ اٹھاتے تو رسول اللہ (صلی اللہ علیہ وآلہ وسلم) کھانے میں برابر مشغول رہتے اور جبرائیل آکر انھیں کہتے کہ اپنا ہاتھ اٹھالیجئے ۔ (رواہ البزار) کلام : ۔۔۔ بزار نے اس حدیث کو ضعیف قرار دیا ہے۔