22634 ۔۔۔ ” مسند جابر بن عبداللہ بن رباب سلمی انصاری “۔ صلت بن مسعود جحدری ومحمد بن یحییٰ ابن ابی سمیہ ، علی بن ثابت جزرمی وازع بن نافع ابو سلمہ کے سلسلہ سند سے جابر بن رباب (رض) کی روایت ہے کہ حضور اکرم (صلی اللہ علیہ وآلہ وسلم) نے ارشاد فرمایا کہ ایک مرتبہ جبرائیل (علیہ السلام) میرے پاس سے گزرے میں نماز پڑھ رہا تھا وہ میری طرف ہنس دیئے اور میں بھی ان کی طرف مسکرا دیا ، جب کہ صلت بن مسعود (رض) کی حدیث میں ہے کہ میکائیل (علیہ السلام) میرے پاس سے گزرے اور ان کے پروں پر غبار کا اثر تھا میں نماز پڑھ رہا تھا چنانچہ وہ میری طرف ہنس دیئے اور میں بھی ان کی طرف ہنس دیا اور وہ دشمن کی طلب میں تھے ۔ (رواہ ابونعیم)