22946 ۔۔۔ ” مسند بلال بن ابی رباح “ اسماعیل بن فضل عیسیٰ بن جعفر ، سفیان ثوری اعمش حکم ، عبدالرحمن بن ابالیل “۔ کے سلسلہ سند سے بلال (رض) کی روایت ہے کہ حضور اکرم (صلی اللہ علیہ وآلہ وسلم) نے مجھے حکم دیا ہے کہ میں امام کے پیچھے قرات نہ کروں ، رواہ الحاکم فی تاریخہ والبیہقی) کلام : ۔۔۔ حکم کہتے ہیں : یہ حدیث باطل ہے اور سفیان ثوری (رح) نے اللہ تبارک وتعالیٰ کے حضور اس حدیث سے معافی مانگی ہے ، تلخیص میں حاکم لکھتے ہیں : یہ حدیث اس قسم حدیث سے ہے کہ جس کا سماع جائز نہیں ۔ بیہقی (رح) کہتے ہیں : عیسیٰ بن جعفر جو کہ ری کے قاضی ہیں ثقہ اور ثبت راوی حدیث ہیں اور اس دنس (گندگی) کا بوجھ اپنے ذمہ نہیں لے سکتے ، لہٰذا عیسیٰ بن جعفر (رح) سے اس حدیث کو روایت کرنے والا (یعنی اسماعیل بن فضل) یا تو کذاب (جھوٹا) ہے اور اپنی طرف سے حدیث گھڑ کر عیسیٰ بن جعفر (رح) ثقہ راوی کی طرف نسبت کردی ہے یا پر یہ راوی صدوق ہے اور اس نے ایک حدیث میں دوسری حدیث کو داخل کردیا ہے۔