22947 ۔۔۔ حضرت جابر (رض) کی روایت ہے کہ ایک مرتبہ حضور اکرم (صلی اللہ علیہ وآلہ وسلم) نے ظہر اور عصر کی نماز پڑھی جب نماز سے فارغ ہوئے تو فرمایا : میرے پیچھے کس نے ” سبح اسم ربک الاعلی “۔ پڑھی ہے ؟ کسی نے بھی جواب نہ دیا آپ (صلی اللہ علیہ وآلہ وسلم) نے تین بار پوچھا پھر ایک آدمی کھڑا ہوا اور کہنے لگا : یارسول اللہ ! میں نے پڑھی ہے فرمایا : میں نے تمہیں دیکھا ہے کہ تم قرآن میں مجھ سے جھگڑ رہے ہو ۔ لہٰذا تم میں سے جو بھی امام کے پیچھے نماز پڑھ رہا ہو تو اس کے امام کی قرات اس کی قرات کی طرح ہے۔ (البیہقی فی کتاب القراۃ)