23141 ۔۔۔ حضرت عبداللہ بن زید (رض) ہی کی روایت ہے کہ حضور اکرم (صلی اللہ علیہ وآلہ وسلم) نے (نماز کے اعلان کے لیے ) نرسنگھا کا ارادہ کیا اور پھر ناقوس بجانے کا حکم دیا : چنانچہ ناقوس بنایا گیا اسی دوران میں نے خواب دیکھا کہ ایک آدمی ہے اور اس پر دو سبز رنگ کے کپڑے ہیں اس نے ہاتھ میں ناقوس اٹھایا ہوا ہے ، میں نے کہا : اے اللہ کے بندے ! کیا یہ ناقوس تو بیچتا ہے ؟ اس نے کہا تم اسے کیا کرو گے ؟ میں نے کہا : اس کے ذریعے ہم نماز کے لیے اعلان کریں گے ، کہا : کیا میں اس سے بہتر چیز تمہیں نہ بتادوں ؟ میں نے کہا : ضرور بتاؤ وہ آدمی بولا : تم یہ کلمات کہو ۔ للہ اکبر اللہ اکبر ، اشھد ان الا الہ الا اللہ اشھد ان الا الہ الا اللہ اشھد ان محمد رسول اللہ اشھد ان محمد رسول اللہ ، حی علی الصلاۃ ، حی الصلاۃ حی علی الفلاح حی علی الفلاح اللہ اکبر اللہ اکبر لا الہ الا اللہ “۔ پھر وہ آدمی پر سکون چل پڑا اور جاتے جاتے پھر بولا : تم یہ کلمات بھی کہو۔ للہ اکبر اللہ اکبر ، اشھد ان الا الہ الا اللہ اشھد ان الا الہ الا اللہ اشھد ان محمد رسول اللہ اشھد ان محمد رسول اللہ ، حی علی الصلاۃ ، حی الصلاۃ حی علی الفلاح حی علی الفلاح اللہ قد قامت الصلوۃ قد قامت الصلوۃ اکبر اللہ اکبر لا الہ الا اللہ “۔ میں بیدار ہوتے ہی رسول کریم کی خدمت میں حاضر ہوا اور سارا واقعہ آپ (صلی اللہ علیہ وآلہ وسلم) کو کہہ سنایا آپ (صلی اللہ علیہ وآلہ وسلم) نے صحابہ کرام رضوان اللہ تعالیٰ عنہم اجمعین کو مخاطب کرکے فرمایا : تمہارے بھائی نے خواب دیکھا ہے (پھر مجھے حکم دیا کہ) تم بلال کے ساتھ مسجد میں جاؤ اور اسے یہ کلمات بتاتے رہو تاکہ ان کلمات کے ساتھ وہ صدا بلند کرے ، سیدنا حضرت عمر ابن خطاب (رض) نے سنا تو وہ بھی رسول کریم (صلی اللہ علیہ وآلہ وسلم) کی خدمت میں حاضر ہوئے اور کہا قسم اس ذات کی جس نے آپ ک برحق مبعوث کیا ہے ہے ! میں نے بھی اسی طرح کا خواب دیکھا ہے (رواہ ابو الشیخ فی الاذان)