23151 ۔۔۔ امام شعبی (رح) روایت کرتے نقل کرتے ہیں کہ نبی کریم (صلی اللہ علیہ وآلہ وسلم) نماز کے اعلان کے بارے میں شدید غمزدہ ہوئے چونکہ اعلان نماز کے لیے ناقوس کا مشورہ دیا گیا تو آپ (صلی اللہ علیہ وآلہ وسلم) نے فرمایا : اسے نصاری اپناتے ہیں پھر آپ (صلی اللہ علیہ وآلہ وسلم) نے چاہا کہ کچھ لوگوں کو بھیجدیں جو راستوں میں نماز کا اعلان کریں لیکن فرمایا کہ مجھے پسند نہیں کہ کچھ لوگ دوسروں کی نماز کے لیے اپنی نماز سے غافل رہیں چنانچہ حضرت عبداللہ بن زید (رض) آپ (صلی اللہ علیہ وآلہ وسلم) کے لیے غم کو لیے ہوئے گھر واپس لوٹے رات کو سوئے خواب دیکھا کہ ایک آدمی آیا اور بولا : رسول اللہ (صلی اللہ علیہ وآلہ وسلم) کے پاس جاؤ اور ان سے کہو کہ کسی آدمی کو حکم دیں جو نماز کے وقت اذان دے اور اذان میں یہ کلمات کہے : للہ اکبر اللہ اکبر اشھد ان لا الہ الا اللہ “۔ س کلمہ شھادت کو پھر دھرائے : ’ اشھد ان محمدا رسول اللہ “۔ ’ اشھد ان محمدا رسول اللہ “۔ ، حی علی الصلوۃ حی الصلوۃ حی علی الفلاح حی الفلاح اللہ اکبر اللہ اکبر لا الہ الا اللہ “۔ پھر (مؤذن) توقف کرے حتی کہ سویا ہوا آدمی بیدار ہوجائے اور وضو کرنے والا وضو کرلے پھر اذان کے یہی کلمات کہے اور جب ” حی الفلاح حی علی الفلاح “۔ پر پہنچے تو کہے ” قد قامت الصلوۃ قد قامت الصلوۃ اللہ اکبر اللہ اکبر سیدنا حضرت عمر ابن خطاب (رض) نے فرمایا : میں نے بھی اسی جیسا خواب دیکھا لیکن عبداللہ بن زید مجھ پر سبقت لے گئے رسول کریم (صلی اللہ علیہ وآلہ وسلم) نے حضرت بلال (رض) کو حکم دیا کہ عبداللہ بن زید (رض) تمہیں جو کچھ کہے وہی کرو ۔ (رواہ الضیاء المقدسی)