23153 ۔۔۔ حضرت انس بن مالک (رض) کی روایت ہے کہ حضور اکرم (صلی اللہ علیہ وآلہ وسلم) کے زمانے میں کوئی ایک آدمی راستے میں نکلتا اور الصلوۃ الصلوۃ کہہ کر نماز کے لیے بلاتا لیکن یہ طریقہ لوگوں پر کافی گراں گزرتا ، اس لیے بعض لوگوں نے ناقوس بجانے کا مشورہ دیا لیکن حضور اکرم (صلی اللہ علیہ وآلہ وسلم) نے فرمایا : ناقوس بجانا نصرانیوں کا طریقہ کار ہے بعض نے نرسنگھا بجانے کا مشورہ دیا آپ (صلی اللہ علیہ وآلہ وسلم) نے فرمایا : نرسنگھا یہودیوں کا ہے۔ بعض نے کہا نماز کے لیے ہم آگ روشن کرکے بلند کردیا کریں رسول کریم (صلی اللہ علیہ وآلہ وسلم) نے فرمایا : آگ جلانا مجوسیوں کا شعار ہے چنانچہ آپ (صلی اللہ علیہ وآلہ وسلم) نے بلال (رض) کو حکم دیا کہ اذان کے کلمات کو دو دو مرتبہ کہو اور اقامت کے کلمات کو ایک ایک مرتبہ کہو ۔ (رواہ ابوالشیخ فی الاذان)