23199 ۔۔۔ اسودبن یزید ہی کہتے ہیں حضرت ابو محذورہ (رض) کی روایت ہے کہ میں قبیلہ کے چند لڑکوں کے ساتھ حضور اکرم (صلی اللہ علیہ وآلہ وسلم) کے ہمراہ حنین کی طرف نکلا حنین میں صحابہ کرام رضوان اللہ تعالیٰ عنہم اجمعین کو سخت آزمائشوں سے گزرنا پڑا تھا ، چنانچہ صحابہ کرام رضوان اللہ تعالیٰ عنہم اجمعین نے اذانین دیں ہم لڑکے بھی ان کے ٹھٹھے لگانے اٹھ کر اذنین دینے لگے ۔ اتنے میں حضور اکرم (صلی اللہ علیہ وآلہ وسلم) نے فرمایا : ان لڑکوں کو میرے پاس لاؤ جب ہمیں آپ (صلی اللہ علیہ وآلہ وسلم) کے پاس لایا گیا آپ (صلی اللہ علیہ وآلہ وسلم) نے فرمایا : اذان دو میں نے سب سے آخر میں اذان دی فرمایا جاؤ میں تمہیں اہل مکہ کا مؤذن مقرر کرتا ہوں اور جاؤ عتاب بن اسید سے کہہ دو کہ مجھے حضور اکرم (صلی اللہ علیہ وآلہ وسلم) نے اہل مکہ کے لیے اذان دینے کا حکم دیا ہے نیز آپ (صلی اللہ علیہ وآلہ وسلم) نے میری پیشانی (کے بالوں) پر دست شفقت بھی پھیرا پھر فرمایا کہو : اللہ اکبر اللہ اکبر اللہ اکبر اللہ اکبر اشھد ان لا الہ الا اللہ دو مرتبہ اشھد ان محمدا رسول اللہ دو مرتبہ حی علی الصلوۃ دو مرتبہ حی علی الفلاح دو مرتبہ اللہ اکبر اللہ اکبر لا الہ الا اللہ “ جب فجر کی اذان دو تو اس میں اس کلمے کا اضافہ کرو ” الصلوۃ خیر من النوم اور اقامت کہتے وقت ” قد قامت الصلوۃ دو مرتبہ کہا کرو ، اسود کہتے ہیں میں نے سنا ہے کہ حضرت ابو محذورہ (رض) پیشانی کے بالوں کو نہیں کاٹتے تھے اور نہ ہی مانگ نکالتے تھے چونکہ ان بالوں پر رسول کریم (صلی اللہ علیہ وآلہ وسلم) نے دست شفقت پھیرا تھا ۔ (رواہ عبدالرزاق ، وابوالشیخ)