23507 ۔۔۔ حنش بن ربیعہ کی روایت ہے کہ سیدنا حضرت علی المرتضی (رض) کے دور خلافت میں سورج گرہن ہوا اس وقت جس قدر لوگ آپ (رض) کے پاس موجود تھے انھیں لے کر آپ (رض) نے نماز کسوف پڑھی جس میں آپ (رض) نے سورة حج اور سورة یسن تلاوت کی مجھے معلوم نہیں کہ آپ (رض) نے پہلے کونسی سورت پڑھی ، البتہ آپ (رض) نے جہرا (باواز بلند) قرات کی پھر آپ (رض) نے رکوع کیا جو قیام کے بقدر طویل تھا پھر رکوع سے سر اٹھایا اور اسی کے بقدر قیام کیا پھر آپ نے سر اٹھایا اور رکوع کے بقدر قیام کیا پھر اسی کے بقدر رکوع کیا پھر سر اٹھایا قیام کیا اور اس کے بعد پھر اسی کے بقدر رکوع کیا یوں آپ (رض) نے چار رکوع کیے اور چوتھے رکوع کے بعد سجدہ کیا پھر آپ (رض) کھڑے ہوئے اور ” سورة حج اور سورة یسن تلاوت کی پھر آپ (رض) نے اسی طرح کیا جس طرح کہ پہلی رکعت میں کیا تھا یوں آپ (رض) نے آٹھ رکوع اور چار سجدے کیے پھر آپ (رض) بیٹھے اور دعا کی اور دعا کے بعد اٹھ کر چلے گئے آپ (رض) کا جانا تھا کہ سورج بھی تاریکیوں سے چھٹ چکا تھا ۔ (رواہ ابن جریر والبیہیقی)