23508 ۔۔۔ ابو شریح خزاعی روایت کرتے ہیں کہ سیدنا حضرت عثمان ذوالنورین (رض) کے دور خلافت میں سورج گرہن ہوا اس وقت حضرت عبداللہ ابن مسعود (رض) مدینہ میں تھے چنانچہ سیدنا حضرت عثمان ذوالنورین (رض) تشریف لائے اور لوگوں کو نماز کسوف پڑھائی آپ (رض) نے ایک رکعت میں دو رکوع اور دوسجدے کیے پھر عثمان (رض) واپس چلے گئے اور اپنے گھر میں داخل ہوگئے جب کہ حضرت عبداللہ ابن مسعود (رض) وہیں بیٹھے رہے ہم بھی ان کے پاس جا بیٹھے انھوں نے فرمایا : رسول کریم (صلی اللہ علیہ وآلہ وسلم) سورج اور چاند گرہن کے وقت ہمیں نماز پڑھنے کا حکم دیتے تھے اور فرماتے تھے کہ جب تم سورج یا چاند گرہن ہوتا دیکھو تو فورا نماز کے لیے آجاؤ اور اگر وہ بات ہوئی جس سے تمہیں ڈرایا جاتا ہے تو ہو ہوجائے گی اور تم غافل نہیں ہوگئے اور اگر اس کا وقوع نہ ہوا تم بھلائی کو پالو گے یا تمہاری کفایت کردی جائے گی ۔ (رواہ الامام احمد بن حنبل وابو یعلی والبیہقی )