23511 ۔۔۔ حضرت جابر بن عبداللہ (رض) کی روایت ہے کہ رسول اللہ (صلی اللہ علیہ وآلہ وسلم) کے دور میں سورج گرہن ہوا اس دن شدید گرمی تھی رسول اللہ (صلی اللہ علیہ وآلہ وسلم) نے صحابہ کرام رضوان اللہ تعالیٰ عنہم اجمعین کو نماز پڑھائی نماز میں آپ (صلی اللہ علیہ وآلہ وسلم) نے طویل قیام کیا حتی کہ بعض صحابہ کرام رضوان اللہ تعالیٰ عنہم اجمعین گرنے لگے پھر طویل رکوع کیا ۔ رکوع سے سر اٹھایا اور طویل قیام کیا پھر طویل رکوع کیا پھر سر اٹھایا اور طویل قیام کیا پھر دو سجدے کیے پھر اٹھے اور طرح کیا یوں آپ (صلی اللہ علیہ وآلہ وسلم) نے چار رکوع اور چار سجدے کیے پھر آپ (صلی اللہ علیہ وآلہ وسلم) نے فرمایا : مجھ ہر ہر وہ چیز پیش کی گئی جس سے تمہیں ڈرایا جاتا ہے چنانچہ جنت مجھ پر پیش کی گئی حتی کہ میں اگر میووں کے خوشے پکڑنا چاہتا تو پکڑسکتا تھا ۔ یا آپ (صلی اللہ علیہ وآلہ وسلم) نے فرمایا کہ : میں نے خوشہ پکڑنا چاہا لیکن میرا ہاتھ اسے نہ پکڑ سکا ۔ مجھے جہنم بھی دکھائی گئی میں نے اس میں بنی اسرائیل کی ایک عورت دیکھی جسے ایک بلی کی وجہ سے عذاب دیا جارہا تھا جس کو اس نے باندھ دیا اور اسے کھانا نہ دیا اور نہ ہی اسے چھوڑا تاکہ زمین کے کیڑے مکوڑے کھا سکتی ، میں نے ابو ثمامہ عمروبن مالک بھی جہنم کے ایک کنویں میں دیکھا اسے کھینچا جا رہا تھا مشرکین کہا کرتے تھے سورج اور چاند کسی بڑے آدمی کی موت کی وجہ سے گرہن ہوتے ہیں حالانکہ فی الواقع یہ اللہ تعالیٰ کی نشانیوں میں سے دو نشانیاں ہیں جب بھی اللہ تبارک وتعالیٰ تمہیں گرہن دکھائے نماز میں لگ جاؤ تاوقتیکہ سورج یا چاند چھٹ جائے ۔ (رواہ ابن جریر)