23510 ۔۔۔ حضرت جابر بن عبداللہ (رض) کی روایت ہے رسول اللہ (صلی اللہ علیہ وآلہ وسلم) کے دور میں جس دن آپ (صلی اللہ علیہ وآلہ وسلم) کے فرزند ابراہیم (رض) فوت ہوئے اس دن سورج گرہن ہوا آپ (صلی اللہ علیہ وآلہ وسلم) کھڑے ہوئے اور نماز پڑھی جس میں آپ (صلی اللہ علیہ وآلہ وسلم) نے چھ رکوع اور چار سجدے کیے نماز میں آپ (صلی اللہ علیہ وآلہ وسلم) نے لمبی قرات کی پھر قیام کے بقدر رکوع کیا رکوع سے اوپر اٹھے اور پھر قرات کی جو پہلی قرات سے قدرے کم تھی پھر قیام کے بقدر رکوع کیا پھر رکوع سے اوپر اٹھے اور قرات کی جو دوسری قرات سے سے قدرے کم تھی پھر قیام کے بقدر رکوع کیا پھر رکوع سے اٹھے اور سجدے کے لیے جھک گئے اور دو سجدے کیے پر آپ (صلی اللہ علیہ وآلہ وسلم) اٹھے اور تین رکوع کیے ہر رکوع پہلے والے رکوع سے قدرے کم تھا پھر آپ (صلی اللہ علیہ وآلہ وسلم) نے سجدہ کیا آپ (صلی اللہ علیہ وآلہ وسلم) نماز میں پیچھے ہوتے رہے آپ (صلی اللہ علیہ وآلہ وسلم) کے پیچھیے صفوں میں کھڑے لوگ بھی پیچھے ہٹتے رہے حتی کہ صفوں میں کھڑے لوگ عورتوں کی صفوں تک پہنچ گئے پھر آپ (صلی اللہ علیہ وآلہ وسلم) آگے بڑھتے گئے حتی کہ اپنی جگہ پر پہنچ گئے یوں آپ (صلی اللہ علیہ وآلہ وسلم) نے نماز مکمل کی اتنے میں سورج بھی تاریکیوں سے چھٹ کر روشن ہوچکا تھا ، اس کے بعد آپ (صلی اللہ علیہ وآلہ وسلم) نے ارشاد فرمایا : اے لوگو ! بلاشبہ اور چاند اللہ تعالیٰ کی نشانیوں میں سے دو نشانیاں ہیں اور یہ کسی انسان کی موت کی وجہ سے گرہن نہیں ہوتے لہٰذا جب بھی تم سورج یا چاند گرہن دیکھو تو نماز میں مصروف ہو جاؤ حتی کہ سورج یا چاند پھر سے روشن ہوجائے پھر فرمایا کہ جس چیز سے بھی تمہیں ڈرایا گیا ہے (مثلا دوزخ اور عذاب قبر وغیرہ) وہ مجھے اس نماز میں دکھائی گئی ہے۔ (رواہ ابن جریر)