23522 ۔۔۔ حضرت اسماء بنت ابی بکر (رض) کی روایت ہے کہ حضور اکرم (صلی اللہ علیہ وآلہ وسلم) نے صلوۃ کسوف پڑھی جس میں آپ (صلی اللہ علیہ وآلہ وسلم) نے طویل قیام کیا پھر طویل رکوع کیا پھر اوپر اٹھے اور طویل قیام کیا پھر طویل رکوع کیا پھر اوپر اٹھے اور طویل سجدہ کیا پھر اوپر اٹھے اور پھر طویل سجدہ کیا پھر اٹھے اور دوسری رکعت میں اسی طرح کیا جس طرح کہ پہلی رکعت میں کیا تھا ، پھر جب نماز سے فارغ ہوئے تو فرمایا جنت میرے قریب لائی گئی تھی اگر میں چاہتا تو اس کے میوہ جات میں سے خوشے توڑ کر تمہارے پاس لے آتا اس کے بعد دوزخ میرے قریب لائی گئی حتی کہ میں نے کہا : اے میرے پروردگار میں تو انھیں قریب سے دیکھ رہا ہوں ، پس میں کیا دیکھتا ہوں کہ ایک عورت ہے جسے ایک بلی بار بار نوچ رہی ہے میں نے پوچھا یہ کیا ہے ؟ حکم ہوا یہ بلی اس عورت نے باندھ دی تھی حتی کہ بھوکوں مرگئی نہ اسے کھانا دیا اور نہ ہی اسے کھولا تاکہ زمین کے کیڑے مکوڑے کھا کر اپنی پیٹ بھر سکتی ۔ مرواہ ابن جریر)