24293 ۔۔۔ حضرت انس (رض) کی روایت ہے کہ رسول کریم (رض) نے فرمایا : کیا تمہیں معلوم ہے کہ شعبان کو شعبان کیوں کہا جاتا ہے ؟ چونکہ اس مہینہ میں رمضان کے لیے خیر کثیر بانٹی جاتی ہے تمہیں معلوم ہے رمضان کو رمضان کیوں کہتے ہیں ؟ چونکہ یہ مہینہ گناہوں کو ختم کردیتا ہے۔ رمضان میں تین راتیں ہیں جن میں خیر کثیر ہے وہ یہ ہیں سترھویں رات اکیسویں رات اور آخری رات سیدنا حضرت عمر ابن خطاب (رض) نے عرض کیا یا رسول اللہ ! یہ رتیں لیلۃ القدر کے علاوہ ہیں ؟ فرمایا : جی ہاں جس کی مغفرت ماہ رمضان میں نہ ہوئی اس کی مغفرت پھر کس مہینہ میں ہوگی ۔ (رواہ ابوالشیخ فی الثواب والدیلمی) کلام : حدیث ضعیف ہے چونکہ اس کی سند میں زیادہ بن میمون صاحب فاکہہ راوی ہے جو کذاب ہے۔