24294 ۔۔۔ حضرت انس (رض) کی روایت ہے کہ شعبان کے آخری دن حضور اکرم (صلی اللہ علیہ وآلہ وسلم) ہمارے پاس تشریف لائے اور یہ رمضان کی پہلی رات تھی ، آپ (صلی اللہ علیہ وآلہ وسلم) نے ہمیں وعظ کرتے ہوئے فرمایا : اے لوگو تمہیں معلوم ہے کہ تمہارے سامنے کیا آنا چاہتا ہے اور تم کس کا سامنا کرنے لگے ہو ؟ ہم نے عرض کیا : یا رسول اللہ (صلی اللہ علیہ وآلہ وسلم) کیا وحی نازل ہوئی ہے یا کوئی دشمن آگیا ہے یا کوئی اور نیا واقعہ پیش آگیا ہے ؟ فرمایا : یہ ماہ رمضان تمہارے پاس آنا چاہتا ہے اور تم اس کا سامنا اور تم اس کا سامنا کرنے لگے ہو خبردار اللہ تبارک وتعالیٰ روزہ کی صبح کو اہل قبلہ میں سے کسی آدمی کو نہیں چھوڑتا جس کی بخشش نہ کرچکا ہو لوگوں کے پیچھے بیٹھا ہوا ایک آدمی پکار کر کہنے لگا ۔ منافقین کے لیے خوشخبری ہے حضور اکرم (صلی اللہ علیہ وآلہ وسلم) نے فرمایا اس آدمی کو میرے پاس لاؤ فرمایا کیا وجہ ہے میں تیرے سینے کو تنگ کیوں پاتا ہوں ؟ کہا حضور اکرم (صلی اللہ علیہ وآلہ وسلم) آپ نے تو اہل قبلہ کا ذکر کیا ہے اور منافقین ہم میں سے نہیں ہیں کیونکہ وہ تو کافر ہیں (رواہ ابن عساکر )