24400 ۔۔۔ ” مسند انس “ عمرو بن جمیع ابان سے حضرت انس بن مالک (رض) کی روایت نقل کرتے ہیں کہ حضور اکرم (صلی اللہ علیہ وآلہ وسلم) نے فرمایا : جو مسلمان بھی روزہ افطار کرتا ہے اور افطاری کے وقت یہ دعا پڑھتا ہے۔ ” یا عظیم یا عظیم انت الھی لا الہ غیرک اغفرلی الذنب العظیم فانہ لا یغفرالذنب العظیم الا العظیم “۔ ے عظمت والے اے عظمت والے تو ہی میرا معبود ہے اور تیرے سوا کوئی عبادت کے لائق نہیں میرے عظیم گناہوں کو معاف فرما اور گناہوں کو عظمت والا ہی معاف کرتا ہے “۔ وہ گناہوں سے ایسا پاک ہوجاتا ہے جیسا کہ اس کی ماں نے اسے جنا تھا ، حضور اکرم (صلی اللہ علیہ وآلہ وسلم) نے یہ بھی فرمایا کہ یہ دعا بعد میں آنے والوں کو بھی سکھلاؤ چونکہ اس دعا کو اللہ تعالیٰ اور اس کا رسول پسند فرماتے ہیں اور اس سے دنیا و آخرت کے معاملات سلجھتے ہیں۔ (رواہ ابن عساکر) کلام : ۔۔۔ ابن عساکر کرتے ہیں یہ حدیث شاذ ہے اور اس کی اسناد میں مجاھیل (مجہول راوی) ہیں۔ مزید تفصیل کے لیے دیکھتے تذکرۃ الموضوعات 160 والتزیۃ 3342 نیز عمرو بن جمیع کی کنیت ابو منذکوفی ہے حلوان کا قضی رہا ہے ابن معین نے اس کی تکذیب کی ہے جب کہ امام بخاری (رح) نے اسے منکر حدیث کہا ہے دیکھئے میزان الاعتدال 2513 ۔