24935 ۔۔۔ کیا تم جانتے ہو پڑوسی کا حق کیا ہے ؟ چنانچہ اگر وہ تم سے مدد طلب کرے تم اس کی مدد کرو اگر تم سے قرض مانگے اسے قرض دو اگر محتاج ہوجائے تم اس کا ہاتھ تھام لو، اگر بیمار ہوجائے تم اس کی عیادت کرو، اگر مرجائے تم اس کے جنازہ کے ساتھ ساتھ چلو، اگر سے خیر و بھلائی پہنچے تم اسے مبارکباد دو ، اگر اسے کوئی مصیبت پیش آئے تم اسے تدلی دو ، تم اس کے مکان کے آگے اپنے مکان کے لمبی چوری عمارت کھڑی نہ کرو کہ اس کے مکان کی ہوا ہی رک جائے البتہ اس کی اجازت سے بنا سکتے ہو، اگر تم پھل خرید کر لاؤ اس میں سے اسے بھی کچھ ہدیہ کرو اگر پھل اسے ہدیہ نہ کرسکو کم از کم اس سے مخفی رکھو، ایسا نہ ہو کہ تمہارا بیٹا پھل لے کر باہر نکلے کہیں پڑوسی کے بچوں کو حسد نہ آنے لگے تمہاری ہنڈی کی بو پڑوسی کو اذیت نہ پہنچائے الا یہ کہ اسے بھی کچھ حصہ دو کیا تم جانتے ہو پڑوسی کے حقوق کیا ہیں ؟ قسم ہے اس ذات کی جس کے قبضہ قدرت میں میری جان پڑوسی کے حقوق بہت کم لوگ ادا کرپاتے ہیں جن پر اللہ کا رحم ہو، پڑوسیوں کی تین قسمیں ہیں ان میں سے بعض کے تین حقوق ہیں، بعض کے دو حقوق ہیں اور بعض کا ایک حق ہے وہ پڑوسی جس کے تین حقوق ہیں یہ وہ مسلمان پڑوسی ہے جو قریبی رشتہ دار ہو اس کا ایک پڑوس کا حق ہے ایک قرابتداری کا حق ہے اور ایک اسلام کا حق ہے جس کے دو حقوق ہیں یہ مسلمان پڑوسی ہے اس کا ایک پڑوس کا حق ہے اور ایک اسلام کا حق ہے اور وہ پڑوسی جس کا ایک ہی حق ہے وہ کافر پڑوسی ہے اس کا پڑوس کا حق ہے صحابہ کرام (رض) نے عرض کیا : یا رسول اللہ ! کافر پڑوسی کو قربانی کا گوشت کھلا سکتے ہیں ؟ ارشاد فرمایا : مشرکین کو مسلمانوں کی قربانیوں کا گوشت نہیں کھلایا جاسکتا۔ ( رواہ ابن عی والخرائطی فی مکارم الاخلاق عن عمرو بن شعیب عن ابیہ عن جدہ)