25554 ۔۔۔ ” مسند زید بن ابی اوفی “۔ حضرت زید بن ابی اوفی (رض) کی روایت ہے کہ جب نبی کریم (صلی اللہ علیہ وآلہ وسلم) نے اپنی صحابہ کرام رضوان اللہ تعالیٰ عنہم اجمعین کے درمیان مواخات قائم کی تو سیدنا حضرت علی المرتضی (رض) نے کہا : میری روح نکل گئی اور کمر ٹوٹ گئی ، جب میں نے آپ کو اپنے صحابہ کرام رضوان اللہ تعالیٰ عنہم اجمعین میں مواخات قائم کرتے دیکھا اور مجھے الگ تھلگ چھوڑ دیا ، اگر یہ مجھ پر ناراضی کی وجہ سے ہے تو سزا اور عزت دینے کا اختیار آپ ہی کو ہے رسول اللہ (صلی اللہ علیہ وآلہ وسلم) نے فرمایا : قسم اس ذات کی جس کے قبضہ قدرت میں میری جان ہے ! میں نے تمہیں صرف اور صرف اپنے لیے مؤخر کیا ہے تمہارا تعلق میرے ساتھ ایسا ہی ہے جیسا کہ ہارون (علیہ السلام) کا موسیٰ (علیہ السلام) کے ساتھ تھا البتہ میرے بعد کوئی نبی نہیں ہوگا ، تم میرے بھائی اور میرے وارث ہو سیدنا حضرت علی المرتضی (رض) نے عرض کیا : یا رسول اللہ ! میں آپ سے وراثت میں کیا چیز پاؤں گا ؟ فرمایا وہی چیز جو مجھ سے پہلے انبیاء وراثت میں چھوڑتے آئے ہیں عرض کیا : آپ سے پہلے انبیاء نے وراثت میں کیا چیز چھوڑی ہے ؟ فرمایا : کتاب اور سنت فرمایا : تم جنت میں میرے اور فاطمہ (رض) کے ساتھ میرے محل میں ہو گے تم میرے بھائی اور میرے رفیق ہو ۔ (رواہ احمد بن حنبل فی کتاب مناقب علی وابن عساکر)