25637 ۔۔۔ مسور بن مخرمہ کی روایت ہے کہ ان کے والد مخرمہ نے ان کا ہاتھ پکڑا اور نبی کریم (صلی اللہ علیہ وآلہ وسلم) کی خدمت اقدس میں لے آئے ۔ والد نے کہا ۔ اے بیٹا اندر جاؤ اور نبی کریم (صلی اللہ علیہ وآلہ وسلم) کو میرے لیے باہر بلا لاؤ میں گھر میں داخل ہوا میں ابھی لڑکا تھا میں نے عرض کیا نبی کریم (صلی اللہ علیہ وآلہ وسلم) دروازے پر میرا باپ کھڑا ہے وہ آپ کو بلا رہا ہے نبی کریم (صلی اللہ علیہ وآلہ وسلم) کھڑے ہوئے اور دیباج کی ایک قبالی جس میں سونے کے بٹن لگے ہوئے تھے میرے والد نے کہا نبی کریم (صلی اللہ علیہ وآلہ وسلم) آپ نے اپنے صحابہ کرام (رض) میں جو کپڑے تقسیم کیے ہیں ان میں میرا حصہ کہاں ہے ؟ آپ نے فرمایا : اے ابو صفوان میں نے تمہارے لیے یہ قبا چھپا رکھی ہے والد نے قبالے لی اور کہا : آپ نے رشتہ داری کا بھرپور لحاظ رکھا ہے ، اس مال میں سے کچھ حصہ آپ نے اہل مکہ کے لیے بھی بطور صلہ رحمی کے بھیجا میرے والد کے ساتھ ابن حضرمی کو یہ مال دے کر بھیجا تھا رسول اللہ (صلی اللہ علیہ وآلہ وسلم) نے میرے والد سے فرمایا : اپنے لیے ایک رفیق سفر تلاش کرلو میرے والد آپ کے پاس حاضر ہوئے اور عرض کیا میں نے ایک شخص پالیا ہے آپ نے فرمایا : وہ کون ہے ؟ عرض کیا : فلاں ضمری ہے۔ فرمایا : اسے اپنے ساتھ رکھ کر نکل جاؤ بکری تمہارا دوست ہے لیکن اس پر بھروسہ نہیں کرنا ، مخرمہ (رض) کہتے ہیں : ہم روانہ ہوئے حتی کہ جب مقام حج پہنچے جو کہ بنو ضمرہ کا علاقہ ہے میرا رفیق سفر (ضمری) بولا ؟ یہاں میری قوم کے کچھ لوگ رہتے ہیں میں ذرا ان کے پاس سے ہو آؤں انھیں سلام کر آؤں اور ملاقات بھی کرلوں چنانچہ ضمری نے اپنی قوم سے کہا : اے میری قوم ! رسول اللہ (صلی اللہ علیہ وآلہ وسلم) نے کچھ مال بھیجا ہے تم بھی تو ان کی قوم ہو لہٰذا جا کر وہ مال لے لو رسول اللہ (صلی اللہ علیہ وآلہ وسلم) نے بخدا اس کے متعلق کچھ نہیں فرمایا : چنانچہ وہ لوگ جب مقام حج پہنچے وہاں آدمی (میرے باپ مخرمہ) کو گم پایا کہ وہ تو جا چکا ہے ، وہ لوگ بولے : بخدا ! وہ واپس لوٹ گیا ہے ضمری آگے بڑھ گیا جبکہ اس کے ساتھ واپس لوٹ گئے حتی کہ ضمری نے آگے چل کر اپنے ساتھی کو پالیا ۔ (رواہ ابن عساکر)